नाही कशी म्हणू तुला, म्हणते रे गीत; परी सारे हलक्याने : आड येते रीत. नाही कशी म्हणू तुला ..... येते जरा थांब; परी हिरव्या वळणांनी जायचे न लांब. नाही कशी म्हणू तुला, माळ मला वेणी; परी नीट, ओघळेल, हासतील कोणी. नाही कशी म्हणू तुला, घेते तुझे नाव; परी नको अधरांचा मोडू सुमडाव. नाही कशी म्हणू तुला, जर लपूछपू; परी पाया खडेकाटे, लागतात खुपू. नाही कशी म्हणू तुला, विडा रे दुपारी; परी थोरांच्या समोर घ्यायची सुपारी.     गीत - आरती प्रभू संगीत - पं. हृदयनाथ मंगेशकर स्वर - लता मंगेशकर