टप टप टप थेंब वाजती, गाणे गातो वारा विसरा आता पाटी-पुस्तक, मजेत झेला धारा पाऊस आला रे पाऊस आला घराघरावर, कौलारावर, आले झिमझिम पाणी गुणगुणती झाडांची पाने हिरवी-हिरवी गाणी अवती-भवती भिजून माती, सुगंध भरला सारा काळ्याभोर ढगांना झाली कोसळण्याची घाई इवले इवले पंख फुलवुनी गाते ही चिऊताई आनंदे हंबरती गाई समोर विसरून चारा मला न कळता पहा कसे हे पाय लागले नाचू फुलांसारखे थेंब उतरती किती फुले मी वेचू ता थै ता थै मोर नाचती भिजला चिंब पिसारा     गीत - मंगेश पाडगावकर संगीत - श्रीनिवास खळे स्वर - शमा खळे