माझ्या मामाची रंगीत गाडी हो तिला खिल्लाऱ्या बैलांची जोडी हो कशी दौडत दौडत येई हो मला आजोळी घेऊन जाई हो नाही बिकट घाट, सारी सपाट वाट, मऊ गालीचे ठायी ठायी हो शीळ घालून मंजूळ वाणी हो पाजी बैलांना ओहोळ पाणी हो गळा खुळखुळ घुंगुर माळा हो गाई किलबील विहंग मेळा हो बाजरीच्या शेतात, करी सळसळ वात, कशी घुमली अंबेराई हो कोण कानोसा घेऊन पाही हो कोण लगबग धावून येई हो गहिवरून धरून पोटी हो माझे आजोबा चुंबन घेती हो लेक एकुलती, नातू एकुलता, किती कौतुक कौतुक होई हो     गीत - ग. ह. पाटील संगीत - स्वर -