काया ही पंढरी आत्मा हा विठ्ठल । नांदतो केवळ पांडुरंग ॥१॥ भाव-भक्ति भीमा उदक ते वाहे । बरवा शोभताहे पांडुरंग ॥२॥ दया क्षमा शांती हेंचि वाळुवंट । मिळालासे थाट वैष्णवांचा ॥३॥ ज्ञान ध्यान पूजा विवेक आनंद । हाचि वेणुनाद शोभतसे ॥४॥ दश इंद्रियांचा एक मेळ केला । ऐसा गोपाळकाला होत असे ॥५॥ देखिली पंढरी देहीं-जनी-वनीं । एका जनार्दनी वारी करी ॥६॥     रचना - संत एकनाथ संगीत - राम फाटक स्वर - पं. भीमसेन जोशी राग - भटियार (नादवेध)