जातां पंढरीस सुख वाटे जीवा । आनंदे केशवा भेटतांचि ॥१॥ या सुखाची उपमा नाहीं त्रिभुवनीं । पाहिली शोधोनी अवघी तीर्थे ॥२॥ ऐसा नामघोष ऐसे पताकांचे भार । ऐसे वैष्णव दिगंबर दावा कोठें ॥३॥ ऐसी चंद्रभागा ऐसा पुंडलीक । ऐसा वेणूनादीं कान्हा दावा ॥४॥ ऐसा विटेवरी उभा कटेवरी कर । ऐसें पाहतां निर्धार नाही कोठें ॥५॥ सेना म्हणे खूण सांगितली संती । या परती विश्रांती न मिळे जीवा ॥६॥     रचना - सेना महाराज संगीत - राम फाटक स्वर - पं. भीमसेन जोशी