नच सुंदरि करूं कोपा । मजवरि धरिं अनुकंपा । रागानें तव तनु ही पावत कशि कंपा ॥ नारी मज बहु असती । प्रीती परि तुजवरती । जाणसि हें तूं चित्तीं । मग कां ही अशि रीती । करिं मी कोठें वसती । तरि तव मूर्ती दिसती । प्रेमा तो मजवरिचा नेऊं नको लोपा ॥ करपाशीं या तनुला । बांधुनि करि शिक्षेला । धरुनीयां केशांला । दंतव्रण करि गाला । कुचभल्ली वक्षाला । टोंचुनि दुखवीं मजला । हचि दंड योग्य असे सखये मत्पापा ॥     गीत - अण्णासाहेब किर्लोस्कर संगीत - अण्णासाहेब किर्लोस्कर स्वर - छोटा गंधर्व नाटक - संगीत सौभद्र (१८८२) राग - पिलू (मूळ संहिता) ताल - दादरा चाल - बिडोरंगा ह्यरळू