झाली ग बरसात, फुलांची झाली ग बरसात वसंतवेड्या लहरी भरल्या, उसळत सर्वांगात मुक्या मनाला फुटली वाणी मनोगतांची झाली गाणी पालवल्या ग आशावेली, न्हाल्या नवरंगांत धुंद सुखाचा सुटला दरवळ अंगच अवघे झाले परिमळ दवासारखे आनंदासु, कुसुमांसम नयनात तळहातीच्या भाकित रेखा जित्या जुईच्या झाल्या शाखा दिसेल तेथे प्रफुल्ल झाले, फुलत्या उल्हासात     गीत - ग. दि. माडगूळकर संगीत - वसंत पवार स्वर - आशा भोसले चित्रपट - वरदक्षिणा (१९६२)