माझ्या मनी प्रियाची मी तार छेडिते संसार मांडते मी, संसार मांडते ! दारी घरी सुखाची रूपे उभी नटून मी पाहते तयांना ही लोचने मिटून माझ्याच सावलीला मी जवळ ओढते ! नाथा तुझी करावी सेवा अनन्य भावे हळुवार स्पर्श होता वेलीस फूल यावे लडिवाळ राजसाची मी दृष्ट काढते ! हातात आज माझ्या सौभाग्यवाण आले ठेवू कशी कुठे ग मी बावरून गेले माझ्या खुळ्या सुखाला मी आज भेटते !     गीत - जगदीश खेबुडकर संगीत - एन्‌. दत्ता स्वर - आशा भोसले चित्रपट - बाळा गाऊ कशी अंगाई (१९७७)