कुणीही पाय नका वाजवू, पाय नका वाजवू चाहूल देउन नका कुणी ग चिमण्याला जागवू नकोस चंद्रा येऊ पुढती, थांब जरासा क्षितीजावरती चमचमणारे ते चंदेरी चाळ नको नादवू पुष्करणीतून गडे हळूहळू, जललहरी तू नको झुळझुळू नकोस वा-या फुलवेलींना, फुंकरीने डोलवू नकोस मैने तोल सावरू, नकोस कपिले अशी हंबरू यक्ष-प-यांनो स्वप्नी नाचून नीज नका चाळवू जगावेगळा छंद ग याचा, पाळण्यांतही खेळायाचा राजी नसता अखेर थकुनी पंख मिटे पाखरू     गीत - श्रीनिवास खारकर संगीत - गजानन वाटवे स्वर - मालती पांडे