माती सांगे कुंभाराला पायी मज तुडविसी तुझाच आहे शेवट वेड्या माझ्या पायाशी ! मला फिरविसी तू चाकावर घट मातीचे घडवी सुंदर लग्नमंडपी कधी असे मी, कधी शवापाशी ! वीर धुरंधर आले गेले पायी माझ्या इथे झोपले कुब्जा अथवा मोहक युवती, अंती मजपाशी ! गर्वाने का ताठ राहसी ? भाग्य कशाला उगा नाससी ? तुझ्या ललाटी अखेर लिहिले आहे मीलन माझ्याशी !     गीत - मधुकर जोशी संगीत - गोविंद पोवळे स्वर - गोविंद पोवळे