कल्पनेचा कुंचला, स्वप्नरंगी रंगला चित्र मी काढू कसे, सजणा सांग ना ! हे निळेपण पांघरावे गीत माझे मोहरावे शब्द मी माळू कसे, सजणा सांग ना, सांग ना ! खेळतो हा धुंद वारा या धुक्याच्या शुभ्र धारा रंग मी खेळू कसे, सजणा सांग ना, सांग ना ! आज संध्या रूप घेई, प्रीतिचे प्रीतिचे मज दान देई गूज मी बोलू कसे, सजणा सांग ना, सांग ना !     गीत - जगदीश खेबूडकर संगीत - सुधीर फडके स्वर - उषा मंगेशकर चित्रपट - जोतिबाचा नवस