पुनवेचा चंद्रम आला घरी चांदाची किरणं दर्यावरी चांदण्याच्या चुऱ्यात खाऱ्या खाऱ्या वाऱ्यात तुझा माझा एकांत रे साजणा ! लाटांचे गीत निळे काठाला ते गूज कळे सागरलाटा भिडती काठा ओठावरती गीत जुळे निळ्या निळ्या पाण्यात एका खुळ्या गाण्यात तुझा माझा एकांत रे साजणा ! चंदेरी धुंद हवा साथीला तूच हवा थरथरणारा एक इशारा या रात्रीचा रंग नवा लाजऱ्या या गालात हृदयाच्या तालात तुझा माझा एकांत रे साजणा !     गीत - शांता शेळके संगीत - बाळ पार्टे स्वर - कृष्णा कल्ले चित्रपट - मंगळसूत्र (१९६८)