अंगणी माझ्या मनाच्या मोर नाचू लागले दाटुनी आभाळ आले मेघ बरसू लागले अशा चिंब ओल्या क्षणी पुकारे तुझी साजणी ! चांदीची ही थेंब फुले या माळुनी येती सरी आणि मातीच्या गंधाने भरती सरसर घागरी धुंद नाचते उन्मनी पुकारे तुझी साजणी ! गार वारा मन भरारा शिरशिरी देही उठे हा असा पाऊस आणि मी तुला शोधु कुठे खोड ही तुझी रे जुनी पुकारे तुझी साजणी !     गीत - चंद्रशेखर सानेकर संगीत - अवधूत गुप्ते स्वर - वैशाली सामंत अल्बम - पाऊस