आले वयात मी बाळपणाची
आले वयात मी, बाळपणाची संगत सुटली
गोर्या गाली प्रीतीची लाली अवचित उठली !
निशिदिनी बाई मी मनामध्ये तळमळते
ही नवखीच कसली हुरहुर मज जाळते
जीव होतो गोळा
झोप नाही डोळा
येतो दाटुन गळा
सख्यासोबतिणींची मला संगत नकोशी वाटली !
तू जिवलग माझा, बाळपणातील मैत्र
बोल हसुन जरा, बघ फुलांत नटला चैत्र
एका ठायी बसू
गालागालांत हसू
डोळा मोडून पुसू
चार डोळे भेटता दोन मने एकवटली !
गोर्या गाली प्रीतीची लाली अवचित उठली !
निशिदिनी बाई मी मनामध्ये तळमळते
ही नवखीच कसली हुरहुर मज जाळते
जीव होतो गोळा
झोप नाही डोळा
येतो दाटुन गळा
सख्यासोबतिणींची मला संगत नकोशी वाटली !
तू जिवलग माझा, बाळपणातील मैत्र
बोल हसुन जरा, बघ फुलांत नटला चैत्र
एका ठायी बसू
गालागालांत हसू
डोळा मोडून पुसू
चार डोळे भेटता दोन मने एकवटली !
| गीत | - | शान्ता शेळके |
| संगीत | - | आनंदघन |
| स्वर | - | लता मंगेशकर |
| चित्रपट | - | राम राम पाव्हणं |
| गीत प्रकार | - | चित्रगीत |
| ठाय | - | स्थान, ठिकाण. |
| निशिदिनी | - | अहोरात्र. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !