A Non-Profit Non-Commercial Public Service Initiative by Alka Vibhas   
अमृताची गोडी तुझ्या

अमृताची गोडी तुझ्या भजनात
मनाचा विसावा दु:खी जीवनात

भजनी रंगावे जग विसरावे
रामनाम घ्यावे चिपळ्यांची साथ

माझा पांडुरंग ऐकतो अभंग
भक्तिरंगी दंग नाचे कीर्तनात

नाव तुझे देवा केशवा-माधवा
कोणतेही ठेवा, गोडवा तयात

Please consider the environment before printing.
कागद वाचवा.
कृपया पर्यावरणाचा विचार करा.