A Non-Profit Non-Commercial Public Service Initiative by Alka Vibhas   
अशी धरा असे गगन

अशी निशा पुन्हा कधी दिसेल का?
अशी धरा असे गगन सजेल का?

सुरम्य चंद्रबिंब तारकावली
निशा चढे निशेस चोरपाउली
ढगांत चंद्र मग जरा लपेल का?

सुगंध रातराणीचा तरंगतो
प्रशांत धुंद आसमंत पेंगतो
दंवात मग धरा जरा भिजेल का?

विशाल तो कदंब झेली चांदणे
मिठीत भान हरपुनी सुखावणे
अशीच ऊर्मी अंतरी निवेल का?
कदंब (कळंब) - वृक्षाचे नाव.
निवणे - शांत होणे.

Please consider the environment before printing.
कागद वाचवा.
कृपया पर्यावरणाचा विचार करा.


  पं. हृदयनाथ मंगेशकर, लता मंगेशकर