बदलती नभाचे रंग कसे
बदलती नभाचे रंग कसे !
क्षणांत निळसर, क्षणांत लालस, क्षण सोनेरी दिसे !
अशा बदलत्या नभाखालती
वसते अवनी सदा बदलती
कळी कालची आज टपोरे फूल होउनी हसे !
मेघ मघा जे लवले माथी
क्षणांत झाले धार वाहती
फूल कालचे फळ होऊनिया भरले मधुर रसे !
काल वाटले स्पर्श नच करू
त्या कीटाचे होय पांखरू
वेगवेगळे रंग तयाचे, इंद्रधनू उडतसे !
क्षणांत निळसर, क्षणांत लालस, क्षण सोनेरी दिसे !
अशा बदलत्या नभाखालती
वसते अवनी सदा बदलती
कळी कालची आज टपोरे फूल होउनी हसे !
मेघ मघा जे लवले माथी
क्षणांत झाले धार वाहती
फूल कालचे फळ होऊनिया भरले मधुर रसे !
काल वाटले स्पर्श नच करू
त्या कीटाचे होय पांखरू
वेगवेगळे रंग तयाचे, इंद्रधनू उडतसे !
| गीत | - | ग. दि. माडगूळकर |
| संगीत | - | वसंत देसाई |
| स्वर | - | लता मंगेशकर |
| चित्रपट | - | ये रे माझ्या मागल्या |
| गीत प्रकार | - | चित्रगीत |
| अवनि | - | पृथ्वी. |
| कीट | - | घाण / कीड. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !