चंद्र आहे साक्षीला
पान जागे फूल जागे, भाव नयनी जागला
चंद्र आहे साक्षीला, चंद्र आहे साक्षीला !
चांदण्यांचा गंध आला पौर्णिमेच्या रात्रीला
चंद्र आहे साक्षीला, चंद्र आहे साक्षीला !
स्पर्श हा रेशमी हा शहारा बोलतो
सूर हा ताल हा जीव वेडा डोलतो
रातराणीच्या फुलांनी देह माझा चुंबिला !
लाजरा बावरा हा मुखाचा चंद्रमा
अंग का चोरीसी दो जिवांच्या संगमा
आज प्रीतीने सुखाचा मार्ग माझा शिंपिला !
चंद्र आहे साक्षीला, चंद्र आहे साक्षीला !
चांदण्यांचा गंध आला पौर्णिमेच्या रात्रीला
चंद्र आहे साक्षीला, चंद्र आहे साक्षीला !
स्पर्श हा रेशमी हा शहारा बोलतो
सूर हा ताल हा जीव वेडा डोलतो
रातराणीच्या फुलांनी देह माझा चुंबिला !
लाजरा बावरा हा मुखाचा चंद्रमा
अंग का चोरीसी दो जिवांच्या संगमा
आज प्रीतीने सुखाचा मार्ग माझा शिंपिला !
| गीत | - | जगदीश खेबूडकर |
| संगीत | - | सुधीर फडके |
| स्वर | - | आशा भोसले, सुधीर फडके |
| चित्रपट | - | चंद्र होता साक्षीला |
| गीत प्रकार | - | शब्दशारदेचे चांदणे, चित्रगीत, युगुलगीत, नयनांच्या कोंदणी |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !