हा रुसवा सोड सखे ! पुरे हा बहाणा
सोड ना अबोला !
झुरतो तुझ्याविना, घडला काय गुन्हा?
बनलो निशाणा, सोड ना अबोला !

इष्काची दौलत उधळी तुझा हा नखरा
मुखचंद्राभवती कितिक फिरती नजरा
फसवा राग तुझा, अलबेला नशिला
करी मदहोश मला
नुरले भान आता, जाहला जीव खुळा

तुझे फितूर डोळे गाती भलत्या गजला
मदनाने केले मुष्किल जगणे मजला
पाहुनी मस्त अदा, फुले अंगार असा
सावरू तोल कसा?
नको छळवाद अता, झालो कुर्बान तुला