A Non-Profit Non-Commercial Public Service Initiative by Alka Vibhas   
हे श्यामसुंदर राजसा

हे श्यामसुंदर राजसा, मनमोहना
विनवुनी सांगते तुज
जाउ दे मला परतुनी !

गाव गोकुळ दूर राहे
दूर यमुनानीर वाहे
हरवले मी कसे मज
चालले कुठे घनवनी?

पावरीचा सूर भिडला
मजसि माझा विसर पडला
नकळता पाऊले मम
राहिली इथे थबकुनी !

पानजाळी सळसळे का?
भिवविती रे लाख शंका !
थरथरे, बावरे मन
संगती सखी नच कुणी !
नीर - पाणी.
पावरी - बासरी.

Please consider the environment before printing.
कागद वाचवा.
कृपया पर्यावरणाचा विचार करा.