A Non-Profit Non-Commercial Public Service Initiative by Alka Vibhas   
ही अशी कोषात अपुल्या

ही अशी कोषात अपुल्या हिंडणारी माणसे
पाप-पुण्यांच्या हिशेबी गुंतणारी माणसे

चेहरे आणि घरे सारेच शिसवीसारखे
दूर काचेआडुनीही बोलणारी माणसे

शब्द यांचे पांगळे, फिरतात वारे पाहुनी
ही अशी पाहून वारे वागणारी माणसे

चेहर्‍यांची कात यांच्या सांडते वरचेवरी
ही दुतोंडी सर्पवंशी दंशणारी माणसे

Please consider the environment before printing.
कागद वाचवा.
कृपया पर्यावरणाचा विचार करा.