A Non-Profit Non-Commercial Public Service Initiative by Alka Vibhas   
जाऊं देवाचिया गांवां

जाऊं देवाचिया गांवां ।
घेऊ तेथेचि विसांवा ॥१॥

देवा सांगों सुखदुःख ।
देव निवारील भूक ॥२॥

घालूं देवासीच भार ।
देव सुखाचा सागर ॥३॥

राहों जवळी देवापाशीं
आतां जडोनि पायांशी ॥४॥

तुका ह्मणे आह्मी बाळें
या देवाचीं लडिवाळें ॥५॥
गीत - संत तुकाराम
संगीत - अण्णा जोशी
स्वराविष्कार- उषा मंगेशकर
विठ्ठल शिंदे
( गायकांची नावे कुठल्याही विशिष्ट क्रमाने दिलेली नाहीत. )
गीत प्रकार - संतवाणी
  
टीप -
• स्वर- उषा मंगेशकर, संगीत- अण्णा जोशी.
• स्वर- विठ्ठल शिंदे, संगीत- ???.
भावार्थ-

  • आपण सगळे देवाच्या गावाला जाऊ या. देव आपल्याला तेथे भरपूर विश्रांती देईल.
  • आपली जी सुखदु:खे आहेत, अडचणी आहेत, ते सगळे आपण देवाला सांगू.
  • देव सगळ्या गोष्टींचे निवारण करील. तहान-भूक दूर करील.
  • आपला देव हा प्रत्यक्ष सुखाचा समुद्र आहे. त्या देवावर भार घातला की झाले. सगळे सुख मिळाले.
  • आपण देवाजवळ रहायचे आणि त्याच्या पायांची सेवा करायची.
  • तुकाराम महाराज म्हणतात, आम्ही या देवाची लाडकी बाळे आहोत.

गो. वि. नामजोशी
संत तुकारामाची सार्थ अभंगवाणी
सौजन्य- सुलभ प्रकाशन, मुंबई.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

Please consider the environment before printing.
कागद वाचवा.
कृपया पर्यावरणाचा विचार करा.


Random song suggestion
  उषा मंगेशकर
  विठ्ठल शिंदे