A Non-Profit Non-Commercial Public Service Initiative by Alka Vibhas   
जीवन गगन मी पाखरू

जीवन गगन मी पाखरू
स्वच्छंद लागे संचरू
झेपावते आसावते
त्याला कसे आवरू?

हाती तुझा दे हात गे
ओठांवरी दे ओठ गे
ये साजणी नाही कुणी
आता नको बावरू !

दोघे प्रवासी प्रीतीचे
खोट्या जगाच्या नीतीचे
थोडे धुके सारे फिके
ही शाल ये पांघरू

एकान्‍त काली भेटलो
मी रोमरोमी पेटलो
बेधुंद मी बेधुंद तू
सार्‍या जगा विस्मरू
गीत - जगदीश खेबूडकर
संगीत - सुधीर फडके
स्वर- जयवंत कुलकर्णी
चित्रपट - अनोळखी
गीत प्रकार - चित्रगीत

Please consider the environment before printing.
कागद वाचवा.
कृपया पर्यावरणाचा विचार करा.