A Non-Profit Non-Commercial Public Service Initiative by Alka Vibhas   
केशवाचे भेटी लागलेंसे

केशवाचे भेटी लागलेंसे पिसें
विसरलों कैसें देहभान

झाली झडपणी झाली झडपणी
संचरलें मनीं आधीं रूप

ना लिंपेची कर्मि ना लिंपेची धर्मी
ना लिंपे जडधर्मी मुक्त पाप

ह्मणे गोरा कुंभार सहजी जीवन्मुक्त
सुखरूप अद्वैत झाले बाप
आदि (आधी) - प्रारंभ / प्रमुख.
झडपणी - वारा घालणे / पंखा / भूतबाधानिरसन.
द्वैत - जोडी / भेदभाव / देह व जीव वेगळे मांडणे / एका वनाचे नाव.
पिसे - वेड.
मूळ रचना

केशवाचे भेटी लागलें पिसें ।
विसरलें कैसें देहभान ॥१॥

झाली झडपणी झाली झडपणी ।
संचरलें मनीं आधीं रूप ॥२॥

न लिंपेची कर्मि न लिंपेची धर्मी ।
न लिंपे गुणधर्मी पुण्यपापा ॥३॥

ह्मणे गोरा कुंभार सहज जीवन्‍मुक्त ।
सुखरूप अद्वैत नामदेव ॥४॥

  संपूर्ण कविता / मूळ रचना

Please consider the environment before printing.
कागद वाचवा.
कृपया पर्यावरणाचा विचार करा.