A Non-Profit Non-Commercial Public Service Initiative by Alka Vibhas   
खुळ्या खुळ्या रे पावसा

खुळ्या खुळ्या रे पावसा, किती भिजविसी मला?
नाही नाही म्हणताना मीही कवळिले तुला !

कसा वाहे गार वारा, अंग सारे थरथरे
त्यात तुझा अनावर वरतुनी हात फिरे
नाही नाही म्हणताना मीही कवळिले तुला !

कुठे जाऊ, धाऊ कुठे? आता पुरती भिजले
धुंद धारांच्या छतात बाई अखेरी लपले
नाही नाही म्हणताना मीही कवळिले तुला !

Please consider the environment before printing.
कागद वाचवा.
कृपया पर्यावरणाचा विचार करा.