A Non-Profit Non-Commercial Public Service Initiative by Alka Vibhas   
लागती गे काळजाला तीर

लागती गे काळजाला तीर हे तेढे तुझे
आवळाया कंठ माझा नागिणी वेढे तुझे

बाई ग पुसतां पुसेना झाक ही गालावरी
काय ही किमया कळेना वाढते लाली तरी
सोडविताही सुटेना लाजरे कोडें तुझे

भाव मनिचें कोवळे कीं पारिजाताची फुलें
नाचता झेलावयातें मखमली ही पावलें
चालुं दे हृदयावरी या कथ्थकी तोडे तुझे
गीत - राजा बढे
संगीत - श्रीनिवास खळे
स्वर- रतिलाल भावसार
गीत प्रकार - भावगीत
  
टीप -
• काव्य रचना- २३ मे १९५१.

Please consider the environment before printing.
कागद वाचवा.
कृपया पर्यावरणाचा विचार करा.