मागूं नको सख्या जें
मागूं नको सख्या जें माझे न राहिलेलें;
ते एक स्वप्न होतें स्वप्नांत पाहिलेलें.
स्वप्नांतल्या करांनी स्वप्नातल्या तुला मीं
होतें न सांग का रे सर्वस्व वाहिलेलें?
स्वप्नांत वाहिलेलें म्हणुनी कसें असत्य?
स्वप्नास सत्य असतें सामील जाहलेलें.
स्वप्नांतल्या परीला स्वप्नांत फक्त पंख;
दिवसास पाय पंगू अन् हात शापिलेले.
स्वप्नांतल्या परीला स्वप्नांत ठेवुनी जा;
हे नेत्र घेउनी जा स्वप्नांत नाहलेले.
जा नेत्र घेउनी जा स्वप्नांध पांगळीचे;
आतां पाहावयाचें कांही न राहिलेलें !
ते एक स्वप्न होतें स्वप्नांत पाहिलेलें.
स्वप्नांतल्या करांनी स्वप्नातल्या तुला मीं
होतें न सांग का रे सर्वस्व वाहिलेलें?
स्वप्नांत वाहिलेलें म्हणुनी कसें असत्य?
स्वप्नास सत्य असतें सामील जाहलेलें.
स्वप्नांतल्या परीला स्वप्नांत फक्त पंख;
दिवसास पाय पंगू अन् हात शापिलेले.
स्वप्नांतल्या परीला स्वप्नांत ठेवुनी जा;
हे नेत्र घेउनी जा स्वप्नांत नाहलेले.
जा नेत्र घेउनी जा स्वप्नांध पांगळीचे;
आतां पाहावयाचें कांही न राहिलेलें !
| गीत | - | विंदा करंदीकर |
| संगीत | - | यशवंत देव |
| स्वर | - | पद्मजा फेणाणी-जोगळेकर |
| अल्बम | - | ही शुभ्र फुलांची ज्वाला |
| गीत प्रकार | - | कविता, कल्पनेचा कुंचला |
टीप - • काव्य रचना - १९६३. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !