मावळत्या दिनकरा
मावळत्या दिनकरा
अर्घ्य तुज जोडुनि दोन्ही करां !
जो तो वंदन करी उगवत्या
जो तो पाठ फिरवि मावळत्या
रीत जगाची ही रे सवित्या !
स्वार्थपरायणपरा.
उपकाराची कुणा आठवण?
'शितें तोंवरी भूते' अशी म्हण;
जगांत भरलें तोंडपुजेपण
धरी पाठिवर शरा !
असक्त परि तूं केलिस वणवण,
दिलेंस जीवन, हे नारायण,
मनीं न धरिलें सानथोरपण
समदर्शी तूं खरा !
अर्घ्य तुज जोडुनि दोन्ही करां !
जो तो वंदन करी उगवत्या
जो तो पाठ फिरवि मावळत्या
रीत जगाची ही रे सवित्या !
स्वार्थपरायणपरा.
उपकाराची कुणा आठवण?
'शितें तोंवरी भूते' अशी म्हण;
जगांत भरलें तोंडपुजेपण
धरी पाठिवर शरा !
असक्त परि तूं केलिस वणवण,
दिलेंस जीवन, हे नारायण,
मनीं न धरिलें सानथोरपण
समदर्शी तूं खरा !
| गीत | - | भा. रा. तांबे |
| संगीत | - | पं. हृदयनाथ मंगेशकर |
| स्वर | - | लता मंगेशकर |
| राग | - | मारवा |
| गीत प्रकार | - | भावगीत |
टीप - • काव्य रचना- ३ ऑक्टोबर १९३५, ग्वाल्हेर. |
| अर्घ्य | - | पूजा / सन्मान. |
| असक्त | - | उदासीन. |
| परा | - | वाणी, भाषा. |
| परायण | - | तत्पर / आतूर. |
| शरा | - | शस्त्र. |
| सविता | - | सूर्य. |
| सान | - | लहान. |
पृथक्
'धरी पाठीवर शरा' - तोंड वळवताच वाग्बाण पाठीवर टाकलाच, या अर्थाने.
- 'तांबे यांची समग्र कविता' मध्ये नमूद केलेली टिप्पणी.
'धरी पाठीवर शरा' - तोंड वळवताच वाग्बाण पाठीवर टाकलाच, या अर्थाने.
- 'तांबे यांची समग्र कविता' मध्ये नमूद केलेली टिप्पणी.
पृथक्Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !