A Non-Profit Non-Commercial Public Service Initiative by Alka Vibhas   
नको ताई रुसू

नको ताई रुसू, कोपर्‍यात बसू
येउ दे ग गालात खुदकन हसू

इवल्याशा नाकावर मोठा मोठा राग
देऊ काय तुला हवे ते ग माग
नवरा हवा का लठ्ठ हवी सासू?

बाहुलीच्या लग्‍नाचा खेळ गडे खेळू
लग्‍नात बुंदीचे लाडू आता वळू
नवीन कपड्यात छान छान दिसू

चांदीचे ताट तुला चंदनाचा पाट
केशरीभात केला, आहे मोठा थाट
ओठात आले बाई लडिवाळ हसू
गीत - मधुकर जोशी
संगीत - श्रीनिवास खळे
स्वर- कुंदा बोकिल
गीत प्रकार - बालगीत

Please consider the environment before printing.
कागद वाचवा.
कृपया पर्यावरणाचा विचार करा.