A Non-Profit Non-Commercial Public Service Initiative by Alka Vibhas   
नीज गुणिले नीज लवलाही

पुनवेच्या घरी निळी गोजिरी, निजली अंगाई
नीज गुणिले नीज लवलाही

तव नयनीच्या नक्षत्राला दृष्ट व्हायची या चंद्राची
पुष्पदळे ही पापण्यांची, झणि लडिवाळे मिटुनी घेई
निजली अंगाई

लाजविणारी जाईजुईला करांगुलीची कोमलताही
गोड कहाणी सांगून तीही अधुनीमधुनी देत जांभई
निजली अंगाई

सर्व सुखांची प्रेमळ जननी, हळूहळू येई निद्रामाई
होऊन आता तुझीच आई, चुंबित राही वत्सलता ही
निजली अंगाई
गीत - पी. सावळाराम
संगीत - वसंत प्रभु
स्वर- लता मंगेशकर
चित्रपट - गृहदेवता
गीत प्रकार - चित्रगीत
झणी - अविलंब.
लवलाही - लवकर.
वत्सल - प्रेमळ.

Please consider the environment before printing.
कागद वाचवा.
कृपया पर्यावरणाचा विचार करा.