A Non-Profit Non-Commercial Public Service Initiative by Alka Vibhas   
नीज नीज माझ्या बाळा

नीज नीज माझ्या बाळा, करू नको चिंता
काळजी जगाची सार्‍या, आहे भगवंता !

अंगावर पांघरूण ओढूनिया काळे
देवाजीच्या मांडीवर ब्रह्मांड झोपले
लाख चांदण्यांचे डोळे उघडे ठेवून
पिता तो जगाचा बैसे जागत अजून

ज्याने मांडियला सारा विश्वाचा हा खेळ
तोच चालवील त्याला, तोच सांभाळील
झोपली पाखरे रानी, झोपली वासरे
घरोघरी झोपी गेली आईची लेकरे
नको जागू, झोप आता, पुरे झाली चिंता
काळजी जगाची सार्‍या, आहे भगवंता
गीत - कवी यशवन्‍त
संगीत - वसंत देसाई
स्वर- आशा भोसले
चित्रपट - श्यामची आई
गीत प्रकार - चित्रगीत

Please consider the environment before printing.
कागद वाचवा.
कृपया पर्यावरणाचा विचार करा.