A Non-Profit Non-Commercial Public Service Initiative by Alka Vibhas   
फू बाई फू फुगडी फू

फू बाई फू, फुगडी फू
दमलास काय माझ्या गोविंदा तू

आत पोकळ, बाहेर पोकळ डोंबार्‍याचा वेळू
म्हतारपणी नवरा केला तोही पोरखेळू

माय-लेकी गोष्टी सांगे त्यांची प्रीत मोठी
लुगडं सोडून देऊ लागली जावयाच्यासाठी

नवी नवी नवरी तवा शेवरीवाणी लाजं
आता झाली चिली-पिल्लं कोंबडीवाणी झुंजं

काजळ ल्याली, कुंकु ल्याली, टिकली दावी लोका
देवाजीचा संग नाही रंग झाला फिका

संतांची निंदा केली, निंदा नाही बरी
तुकाराम शरण गेले सद्गुरू पायी
गीत - पारंपरिक
संगीत - मधुकर पाठक
स्वर- शाहीर विठ्ठल उमप
गीत प्रकार - लोकगीत
वेळू - बांबू.

Please consider the environment before printing.
कागद वाचवा.
कृपया पर्यावरणाचा विचार करा.