A Non-Profit Non-Commercial Public Service Initiative by Alka Vibhas   
प्रीतीचा पारिजात फुलला

प्रीतीचा पारिजात फुलला
सुगंध त्याचा तुझ्या नि माझ्या हृदयी दरवळला

पहिली ओळख, स्पर्शही पहिला
हर्ष तयाचा असे आगळा
हृदयवीणेवर आज कुणीतरी अनुरागची छेडिला

हळूच येउनी स्वप्‍नमंदिरी
वाजविता तू प्रीत-बासरी
स्वरास्वरांचा कैफ माझिया नयनांवर दाटला

नयनकडांवर लाज दाटता
अवघडले तुजकडे पाहता
कधी चुकुनी लोचन जुळता मन्मथ झंकारला
गीत - मधुकर जोशी
संगीत - अनिल मोहिले
स्वर- कुंदा बोकिल
गीत प्रकार - भावगीत
अनुराग - प्रेम, निष्ठा.
आगळा - अग्रेसर / श्रेष्ठ / जास्त / अधिक / वैशिष्ट्यपूर्ण.

Please consider the environment before printing.
कागद वाचवा.
कृपया पर्यावरणाचा विचार करा.