A Non-Profit Non-Commercial Public Service Initiative by Alka Vibhas   
रवि आला हो रवि आला

आभाळाच्या देवघरी हा उष:काल झाला
रवि आला हो रवि आला

झाडेपाने फुलवेली हो
थेंब दंवाचे ल्याली हो
प्रभातकाळी निसर्गराजा उजेडात न्हाला

कवाड-अंगण उजळावे
फुलासवे मन उमलावे
हसली सदने हसली वदने, तम विरुनी गेला

करू आरती तेजाची
तेजाची रविराजाची
मंगल ऐका मंगल देखा, मंगलमय बोला
गीत - जगदीश खेबूडकर
संगीत - प्रभाकर जोग
स्वर- सुधीर फडके
चित्रपट - देवघर (१९८१)
गीत प्रकार - चित्रगीत
कवाड - दरवाजाची फळी, दरवाजा.
तम - अंधकार.

Please consider the environment before printing.
कागद वाचवा.
कृपया पर्यावरणाचा विचार करा.