राया चला घोड्यावरती बसू
रात अशी बहरात राजसा, तुम्ही नका ना रुसू
अहो राया चला घोड्यावरती बसू !
नवा देखणा आणा घोडा
जीन कसुनी लगाम जोडा
झुलती रिकीब खाली सोडा
उगा वाटतं खूप फिरावं
नकाच काही पुसू
अहो राया चला घोड्यावरती बसू !
नेशिन साडी नव्या घडीची
गर्भरेशमी लाल खडीची
चोळी घालीन वर ऐन्याची
निळ्या मोकळ्या आभाळावर
चंद्र लागला दिसू
अहो राया चला घोड्यावरती बसू !
मंदिल चढवा बांधा शेला
उचलून घ्या ना पुढ्यात मजला
हलक्या हाताने विळखा घाला
मिठीत येईल पुनव नभीची
कसलं आलं हसू
अहो राया चला घोड्यावरती बसू !
अहो राया चला घोड्यावरती बसू !
नवा देखणा आणा घोडा
जीन कसुनी लगाम जोडा
झुलती रिकीब खाली सोडा
उगा वाटतं खूप फिरावं
नकाच काही पुसू
अहो राया चला घोड्यावरती बसू !
नेशिन साडी नव्या घडीची
गर्भरेशमी लाल खडीची
चोळी घालीन वर ऐन्याची
निळ्या मोकळ्या आभाळावर
चंद्र लागला दिसू
अहो राया चला घोड्यावरती बसू !
मंदिल चढवा बांधा शेला
उचलून घ्या ना पुढ्यात मजला
हलक्या हाताने विळखा घाला
मिठीत येईल पुनव नभीची
कसलं आलं हसू
अहो राया चला घोड्यावरती बसू !
| गीत | - | वसंत सबनीस |
| संगीत | - | राम कदम |
| स्वर | - | उषा मंगेशकर |
| चित्रपट | - | सोंगाड्या |
| गीत प्रकार | - | चित्रगीत, लावणी |
| मंदिल | - | जरीचे पागोटे. |
| रिकीब (रिकब) | - | घोड्यावर चढण्यासाठी व बसून पाय ठेवण्यासाठी दोन बाजूंस सोडलेल्या कड्या. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !