सजल नयन नित धार

सजल नयन नित धार बरसती
भावगंध त्या जळीं मिसळती

वीणेचे स्वर अबोल झाले
गीतामधले काव्यहि सरले
मुक्या मनाचे मुकेच आठव
मूक दीपज्योतीसम जळती

चंद्र-चांदणे सरले आता
निरस जाहली जीवनगाथा
त्या भेटीतिल अमृतधारा
तुझ्याविना विषधारा होती

थकले पैंजण चरणहि थकले
वृंदावनिंचे मोहन सरले
तुझ्या स्मृतींची फुले प्रेमले
अजून उखाणे मला घालिती

 

Random song suggestion
मराठीवर प्रेम करता ?    शेअर करा