केवळ परमेश्वराचे नामस्मरण व्यक्तीला विश्वाशी एकरूप कसे करू शकते याचा प्रत्‍यय देणारा हा अभंग आहे. हरिनामाचे सामर्थ्य एवढे आहे की, त्यायोगे मनात सार्‍या प्राणिमात्राविषयी प्रेम आणि दया उत्‍पन्‍न होते. एवढेच नाही, तर अलौकिक अशा शांततेचा लाभ होतो. ही अलौकिक शांती म्हणजेच चिरंतन समाधी होय. निरंतर समाधिसुख मिळवून देणारे काही असेल तर ते परमेश्वरी नामस्मरणच होय. या नामस्मरणामुळे ज्ञान-विज्ञानाची प्राप्ती होते. विकार आणि अज्ञान कधी फिरकतही नाहीत. हा सिद्धीचा अवीट मार्ग आपणाला शांतीचे परमरूप निवृत्तीनाथ यांनीच दाखविला आहे.

डॉ. नागनाथ कोत्तापल्ले, डॉ. द. ता. भोसले
ज्ञानेश्वरांचे निवडक शंभर अभंग
सौजन्य- प्रतिमा प्रकाशन, पुणे.

* ही लेखकांची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

परम शांति पावलेल्या निवृत्ति गुरूंनी ज्ञानदेवाला हरि-नामाचा मंत्र दिला आणि सांगितले की "ईश्वर प्राप्तीच्या सर्व मार्गांत नाम-स्मरणाचा हा मार्ग अत्यंत सरळ आणि नेमका आहे. स्थिर-बुद्धि-रूप समाधि, कर्मयोगाची साधना, दया-शांति आदि दैवी संपत्तिचे गुण, सर्वांभूतीं समत्वरूप भक्ती, यमदमादि योग, शेवटी अज्ञानाचे निरसन करणारे ज्ञान-विज्ञान, एकूण सर्व साधन आणि सिद्धि, हरि-नामात सामावली आहे. हरि-नाम ही नवजीवन देणारी मधुर संजीवनीच आहे."

आचार्य विनोबा भावे
ज्ञानेश्वरांची भजनें
सौजन्य- परंधाम प्रकाशन, वर्धा.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

Please consider the environment before printing.
कागद वाचवा.
कृपया पर्यावरणाचा विचार करा.