शिवा घे प्रसाद रामाचा
दिधला जरी तूं कैंचा घेऊं पत्कर राज्याचा
मी गोसावी नित्संचारी दास राघवाचा
शिवा घे प्रसाद रामाचा !
वैराग्याचें कसें मोहवी तुज मायजाल
स्वभावधर्मा सोडुनि कां कधिं सिद्धीप्रत जाल?
समष्टींत व्यक्तीचा लपला उजळ भावी काल
लौकिक वाढो उदंड जगतीं तव क्षात्रत्वाचा
शिवा घे प्रसाद रामाचा !
तव राज्यापाहून वाटतो स्वर्गा अभिमान
म्लेंच्छ बुडाले उदक लाभले करावया स्नान
आनंदभुवनीं या पुन्हां प्रगटला वेदोनारायण
नभांगणीं डौलांत फडफडो ध्वज रघुनाथाचा
शिवा घे प्रसाद रामाचा !
गडावरी गड जिंकुन केलें मायभूस मुक्त
कांचनगंगा झुळझुळतां नच उरे कोष रिक्त
रक्तसिंचनें अश्रुसिंचनें होतां अभिषिक्त
भावभरें नच घेतां संभव श्रेय लोपण्याचा
शिवा घे प्रसाद रामाचा !
मी गोसावी नित्संचारी दास राघवाचा
शिवा घे प्रसाद रामाचा !
वैराग्याचें कसें मोहवी तुज मायजाल
स्वभावधर्मा सोडुनि कां कधिं सिद्धीप्रत जाल?
समष्टींत व्यक्तीचा लपला उजळ भावी काल
लौकिक वाढो उदंड जगतीं तव क्षात्रत्वाचा
शिवा घे प्रसाद रामाचा !
तव राज्यापाहून वाटतो स्वर्गा अभिमान
म्लेंच्छ बुडाले उदक लाभले करावया स्नान
आनंदभुवनीं या पुन्हां प्रगटला वेदोनारायण
नभांगणीं डौलांत फडफडो ध्वज रघुनाथाचा
शिवा घे प्रसाद रामाचा !
गडावरी गड जिंकुन केलें मायभूस मुक्त
कांचनगंगा झुळझुळतां नच उरे कोष रिक्त
रक्तसिंचनें अश्रुसिंचनें होतां अभिषिक्त
भावभरें नच घेतां संभव श्रेय लोपण्याचा
शिवा घे प्रसाद रामाचा !
| गीत | - | श्रीराम आठवले |
| संगीत | - | गजानन वाटवे |
| स्वर | - | गजानन वाटवे |
| गीत प्रकार | - | भावगीत, प्रभो शिवाजीराजा |
| अभिषिक्त | - | ज्याच्यावर अभिषेक झाला आहे असा, राजा. |
| उदक | - | पाणी. |
| क्षात्र | - | क्षत्रियासंबंधी. |
| म्लेंच्छ | - | यवन / हिंदुव्यतिरिक्त अन्य धर्मी. |
| समष्टी | - | समग्रता. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !