शोधू मी कुठे कशी प्रिया
शोधू मी कुठे कशी प्रिया तुला?
प्रीती का देई साद ही मजला?
दिसे कुणी मज पुन्हा लपते ग
घुमते का शीळ इथे?
पदरी मी भास खुळे जपते ग
हलले का पान तिथे?
वारा हा काही सांगतो मजला !
ओळखीची खूण काही पटते ग
नच झाली भेट जरी
डोळियांच्या पापणीत मिटते ग
उमटे जे बिंब उरी
येती या चाहुली कशा मजला?
प्रीती का देई साद ही मजला?
दिसे कुणी मज पुन्हा लपते ग
घुमते का शीळ इथे?
पदरी मी भास खुळे जपते ग
हलले का पान तिथे?
वारा हा काही सांगतो मजला !
ओळखीची खूण काही पटते ग
नच झाली भेट जरी
डोळियांच्या पापणीत मिटते ग
उमटे जे बिंब उरी
येती या चाहुली कशा मजला?
| गीत | - | शान्ता शेळके |
| संगीत | - | अनिल-अरुण |
| स्वर | - | लता मंगेशकर |
| चित्रपट | - | नांव मोठं लक्षण खोटं |
| गीत प्रकार | - | चित्रगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !