A Non-Profit Non-Commercial Public Service Initiative by Alka Vibhas   
ती रात्र कुसुंबी बहराची

स्पर्शाच्या गहिर्‍या जहराची
ती रात्र कुसुंबी बहराची

ती डोळे जडवुन मला म्हणाली, "राया,
वय ऐनातिल हे नका घालवू वाया"
त्या नजरबंदिच्या कहराची
ती रात्र कुसुंबी बहराची

घातली लाडकी हळूच खुणेची शीळ
चांदण्यात भिजला गालावरला तीळ
अशि मदन झोकल्या प्रहराची
ती रात्र कुसुंबी बहराची

काळीज बुडवुनी जाय मधाची लाट
हातात जडवुनी हात शोधिली वाट
स्वप्‍नांच्या धूसर शहराची
ती रात्र कुसुंबी बहराची
कुसुंबी - कुसुंबाच्या (करडईचे फूल) रंगाचे.

Please consider the environment before printing.
कागद वाचवा.
कृपया पर्यावरणाचा विचार करा.