तू नभातले तारे
तू नभातले तारे माळलेस का तेव्हा?
माझियाच स्वप्नांना गाळलेस का तेव्हा?
आज का तुला माझे एवढे रडू आले?
तू चितेवरी अश्रू ढाळलेस का तेव्हा?
हे तुझे मला आता वाचणे सुरू झाले..
एक पानही माझे चाळलेस का तेव्हा?
चुंबिलास तू माझा शब्द शब्द एकान्ती;
ओठ नेमके माझे टाळलेस का तेव्हा?
माझियाच स्वप्नांना गाळलेस का तेव्हा?
आज का तुला माझे एवढे रडू आले?
तू चितेवरी अश्रू ढाळलेस का तेव्हा?
हे तुझे मला आता वाचणे सुरू झाले..
एक पानही माझे चाळलेस का तेव्हा?
चुंबिलास तू माझा शब्द शब्द एकान्ती;
ओठ नेमके माझे टाळलेस का तेव्हा?
| गीत | - | सुरेश भट |
| संगीत | - | भीमराव पांचाळे |
| स्वर | - | भीमराव पांचाळे |
| गीत प्रकार | - | कविता, कल्पनेचा कुंचला |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !