A Non-Profit Non-Commercial Public Service Initiative by Alka Vibhas   
उघड दार उघड दार

उघड दार उघड दार
प्रियकरास आपुल्या
उघड दार

मध्यरात्रिंच्या नभांत
शांत चांदणें खुलें
पांघरुनी रश्मिजाल
गाढ झोपलीं फुले

गाढ झोपलीं फुले
अजून हा निजे न भृंग
मरंद गुंगिनें भुलून
मंजु गुंजनांत दंग

अधिर त्या नको सकाळ
त्या दिशाहि उजळल्या
मध्यरात्रिंच्या निळ्यांत
उघड उघड पाकळ्या
उघड दार
गीत - कवी अनिल
संगीत - जी. एन्‌. जोशी
स्वर- जी. एन्‌. जोशी
गीत प्रकार - भावगीत
  
टीप -
• काव्य रचना- डिसेंबर १९३७, नागपूर.
मरंद (मकरंद) - फुलातील मध.
रश्मी - प्रकाश किरण.

Please consider the environment before printing.
कागद वाचवा.
कृपया पर्यावरणाचा विचार करा.