उघडी द्वार पूर्वदिशा
उघडी द्वार पूर्वदिशा नारायण आले,
उजाडले !
भूमीपाल चालला धरतीच्या पूजना
शिंपडी सडा सजवी सुवासिनी अंगणा
वसुंधरेचे हास्य झळकले
उजाडले !
गंगेवर तेजाचा पाऊस झिमझिमता
पर्णावर मोत्यांचे दंवबिंदु लखलखता
गंधवतीने रंग उधळिले
उजाडले !
पूजीत कुलदेव महेशा
येई फुलवीत मनीची आशा
सुखवी घरदार घेउनी त्या
जीव जिवाचा जगवीता
उजाडले !
भूमीपाल चालला धरतीच्या पूजना
शिंपडी सडा सजवी सुवासिनी अंगणा
वसुंधरेचे हास्य झळकले
उजाडले !
गंगेवर तेजाचा पाऊस झिमझिमता
पर्णावर मोत्यांचे दंवबिंदु लखलखता
गंधवतीने रंग उधळिले
उजाडले !
पूजीत कुलदेव महेशा
येई फुलवीत मनीची आशा
सुखवी घरदार घेउनी त्या
जीव जिवाचा जगवीता
| गीत | - | पी. सावळाराम |
| संगीत | - | दत्ता डावजेकर |
| स्वर | - | आशा भोसले, पं. हृदयनाथ मंगेशकर |
| चित्रपट | - | लक्ष्मी आली घरा |
| गीत प्रकार | - | चित्रगीत |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !