A Non-Profit Non-Commercial Public Service Initiative by Alka Vibhas   
उनाड पाऊस अशांत पाऊस

उनाड पाऊस, अशांत पाऊस, अधीर भिरभिणारा पाऊस
निरोप घेऊन आभाळाचा भटके हा बंजारा पाऊस

हाक तृषेची येता कानी मातीची ऐकून विराणी
मेघांच्या कुंभातुन बरसे अमृतमय जलधारा पाऊस

प्राण नवे झाडांना देई, गीत नवे पक्ष्यांना देई
बैरागी रानातून फिरवी शांत शीतल वारा पाऊस

पहाड राने नदी सरोवर ऊराउरी भेटून सार्‍यांना
एकाएकाला लावून जाई सृजनाचा भंडारा पाऊस
तृषा - तहान.
सृजन - निर्मिती.

Please consider the environment before printing.
कागद वाचवा.
कृपया पर्यावरणाचा विचार करा.


Random song suggestion
  अवधूत गुप्‍ते, वैशाली सामंत