A Non-Profit Non-Commercial Public Service Initiative by Alka Vibhas   
ऊठ पंढरीच्या राजा

ऊठ पंढरीच्या राजा वाढवेळ झाला
थवा वैष्णवांचा दारी दर्शनासी आला

पूर्व दिशी उमटे भानू
घुमे वारियाचा वेणू
सूर सूर वेणूचा त्या सुगंधात न्हाला

कुक्षी घेऊनिया कुंभा
उभी ठाकी चंद्रभागा
मुख प्रक्षाळावे देवा, गोविंदा गोपाला

पुंडलिक हाका देई
उभ्या राही रखुमाबाई
निरांजने घेऊन हाती सिद्ध आरतीला
कुक्षी - कूस, कंबर.
प्रक्षाळणे - धुणे.
भानू - सूर्य.
वेणु - बासरी.
वैष्णव - विष्णुभक्त.
वाढवेळ - फार वेळ.

Please consider the environment before printing.
कागद वाचवा.
कृपया पर्यावरणाचा विचार करा.