A Non-Profit Non-Commercial Public Service Initiative by Alka Vibhas   
विनवित शबरी रघुराया

विनवित शबरी रघुराया रे
तुजसाठीं वेचिली बोरें

भागला भुकेला असशिल देवा
जमविला रानचा मेवा
दीनेची दुबळी सेवा
ही गोड मानुनी घे रे
विनवित शबरी रघुराया रे

नच उष्टावलि कुणि
मीच स्वयें तोडिली
चिमणीचे लाउनि दांत चवी घेतली
शिवली न दुजी पांखरें
मनिं शंका धरिसी कां रे
तुज मधुर लागतील हीं शबरीचीं बोरें
विनवित शबरी रघुराया रे
भागणे - थकणे, दमणे.
शबरी - एक भिल्लीण. श्रीरामांची एकनिष्ठ भक्तीण.

Please consider the environment before printing.
कागद वाचवा.
कृपया पर्यावरणाचा विचार करा.