अरसिक किती हा शेला ।
त्या सुंदर तनुला सोडूनि आला ॥

प्रेमें प्राणपतीला ।    मी संतोषें हा अर्पण केला ।
दुर्मिळ जें स्थळ मजला ।    तें सहज मिळुनि या दुर्भाग्याला ।
तेथुनि कां हा ढळला ।    त्या सत्संगतिला कैसा विटला ।
कोंडुन ठेविन याला ।    मज दृष्टिस नलगे निष्ठुर मेला ॥

गीत	-	अण्णासाहेब किर्लोस्कर
संगीत	-	अण्णासाहेब किर्लोस्कर
स्वर	-	सुहासिनी मुळगावकर
नाटक	-	संगीत सौभद्र (१८८२)
चाल	-	'अहा हे कृष्णा मुकुंदा'