परमेश्वर दर्शन देत नाही आणि त्याच्या भेटीची तर तळमळ लागून राहिली आहे अशी भावस्थिती ज्ञानेश्वरांच्या या अभंगांमधून प्रकट होते.

परमेश्वरापासून आपण दूर पडलो आहोत आणि वियोगामुळे सारा जीव पोखरून निघत आहे. परमेश्वरानेच आपाल्याला असे वेडे केले आणि अजून येत नाही. त्यामुळे दिवसही काळोख होऊन गेला. तेव्हा परमेश्वरा, लवकर दर्शन दे.

डॉ. नागनाथ कोत्तापल्ले, डॉ. द. ता. भोसले
'ज्ञानेश्वरांचे निवडक शंभर अभंग' या डॉ. नागनाथ कोत्तापल्ले आणि डॉ. द. ता. भोसले लिखित पुस्तकातून.
सौजन्य- प्रतिमा प्रकाशन, पुणे.

* ही लेखकांची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

देवा, तुझा वियोग आता मला असह्य आहे. कारण, तुझी अर्धवट आशा लागल्यापासून वृत्तीच्या ओढाताणीला सीमाच राहिली नाही.

कधी वृत्ति इतकी जड बनते की दिवस आणि रात्र मिळून एक मोठी रात्रच होऊन जाते. प्रतिभा वर उठतच नाही. कधी वत्ति इतकी चंचल बनते की दिवस आणि रात्र मिळून एक लांबच लांब दिवस बनतो. कल्पनेच्या भरारीला शांतिच मिळत नाही.

तुझे प्रत्यक्ष दर्शन घडून तुझ्या स्‍फूर्तीचा आणि गंभीरतेचा मला साक्षात्‍कार होईल तरच धडगत आहे.

आचार्य विनोबा भावे
'ज्ञानेश्वरांची भजनें' या आचार्य विनोबा भावे लिखित पुस्तकातून.
सौजन्य- परंधाम प्रकाशन, वर्धा.

* ही लेखकाची वैयक्तिक मते आहेत. या लेखात व्यक्त झालेली मते व मजकूर यांच्याशी 'आठवणीतली गाणी' सहमत किंवा असहमत असेलच, असे नाही.

  इतर भावार्थ

Please consider the environment before printing.
कागद वाचवा.
कृपया पर्यावरणाचा विचार करा.