माझें गाणें एकच माझें
माझें गाणें, एकच माझें नित्याचें गाणें
अक्षय गाणें, अभंग गाणें, गाणें हें गाणें
सर्व जगाचें मंगल, मंगल माझें गाणें
या विश्वाची एकतानता हें माझें गाणें
आशेच्या वीणेचा चढवुनि सूर भौतिकांत
हें गाणें, हें प्रियकर माझें गाणें मी गात.
निरध्वनी हें मूकगान हें, यास म्हणो कोणी
नभांत हें सांठवलें, यानें दुमदुमली अवनी
सर्व धर्म हे, भेद-पंथही सर्व एक झाले
माझें माझें विश्व, तारही प्रेमाची बोले
ही मोक्षाची स्वातंत्र्याची उन्नतिची माला
सौभाग्याची तार लागलों मी छेडायाला
हें नंदनवन हीं स्वर्भूमी एक पहा झालीं !
मंगल मंगल, मद्गानाची गति ही शेंवटली
अक्षय गाणें, अभंग गाणें, गाणें हें गाणें
सर्व जगाचें मंगल, मंगल माझें गाणें
या विश्वाची एकतानता हें माझें गाणें
आशेच्या वीणेचा चढवुनि सूर भौतिकांत
हें गाणें, हें प्रियकर माझें गाणें मी गात.
निरध्वनी हें मूकगान हें, यास म्हणो कोणी
नभांत हें सांठवलें, यानें दुमदुमली अवनी
सर्व धर्म हे, भेद-पंथही सर्व एक झाले
माझें माझें विश्व, तारही प्रेमाची बोले
ही मोक्षाची स्वातंत्र्याची उन्नतिची माला
सौभाग्याची तार लागलों मी छेडायाला
हें नंदनवन हीं स्वर्भूमी एक पहा झालीं !
मंगल मंगल, मद्गानाची गति ही शेंवटली
| गीत | - | बालकवी |
| संगीत | - | पं. हृदयनाथ मंगेशकर |
| स्वर | - | लता मंगेशकर |
| गीत प्रकार | - | कविता |
टीप - • काव्य रचना- सप्टेंबर १९१०. |
| अवनि | - | पृथ्वी. |
| भौतिक | - | पंचभूतविषयक. |
Please consider the environment before printing.
कागद वाचवा.
कृपया पर्यावरणाचा विचार करा.
दाद द्या अन् शुद्ध व्हा !