A Non-Profit Non-Commercial Public Service Initiative by Alka Vibhas   
सावळें सुंदर रूप मनोहर

सावळें सुंदर रूप मनोहर ।
राहो निरंतर हृदयीं माझे ॥१॥

आणिक कांहीं इच्छा आह्मां नाहीं चाड ।
तुझें नाम गोड पांडुरंगा ॥२॥

जन्मोजन्मीं ऐसें मागितलें तुज ।
आह्मांसी सहज द्यावें आतां ॥३॥

तुका ह्मणे तुज ऐसे दयाळ ।
धुंडितां सकळ नाहीं आह्मां ॥४॥
चाड - शरम.

Please consider the environment before printing.
कागद वाचवा.
कृपया पर्यावरणाचा विचार करा.